സെലിബ്രിറ്റികള്ക്കു പലപ്പോഴും സംഭവിക്കുന്ന ദുര്യോഗം എന്നു തന്നെ പറയാം ഈ അവസ്ഥയെ. പല താരങ്ങളും മാധ്യമങ്ങളിലൂടെ നിരവധി തവണയാണ് മരിച്ചു ജീവിച്ചിട്ടുള്ളത്. ഇക്കൂട്ടത്തില് ലേറ്റസ്റ്റ് ആക്ഷന് കിങ് ജാക്കി ചാന്. ഇന്റര്നെറ്റിലൂടെയും മറ്റും ജാക്കി ചാന്റെ മരണവാര്ത്തകള് പ്രചരിച്ചതിനു പിന്നാലെയാണ് ഊഹാപോഹങ്ങള്ക്കു വിടനല്കി, ജീവിച്ചിരിക്കുന്നു എന്ന വാര്ത്തയുമായി ചാന് എത്തിയത്. ജോണി ഡെപ്, ഹാരിസണ് ഫോര്ഡ്, മിലി സൈറസ് തുടങ്ങിയ താരങ്ങളാണ് ഈയിടെ ഇത്തരം ഓണ്ലൈന് ഡെത്തിന് ഇരയാകേണ്ടി വന്ന പ്രമുഖര്.
ജാക്കി സുഖമായി ജീവിച്ചിരിക്കുന്നു. അദ്ദേഹത്തിന് ഹാര്ട്ട് അറ്റാക്കുണ്ടാവുകയോ മരിക്കുകയോ ചെയ്തിട്ടില്ല. സോഷ്യല് നെറ്റ്വര്ക്കിങ് സൈറ്റുകളിലും ഓണ്ലൈന് ന്യൂസ് റിപ്പോര്ട്ടുകളിലും വന്ന ഇത്തരം വാര്ത്തകളെല്ലാം തെറ്റാണെന്ന് ജാക്കി ചാന്റെ ഫെയ്സ്ബുക്ക് പേജില് പോസ്റ്റ് ചെയ്തിരിക്കുന്നു. ജാക്കിക്കു സുഖം തന്നെ, ഇപ്പോള് പുതിയ ചിത്രത്തിന്റെ ഷൂട്ടിങ്ങിനെക്കുറിച്ചു മാത്രം ചിന്തിക്കുന്നു.
ഇങ്ങനെ വെറുമൊരു ഫെയ്സ്ബുക്ക് പോസ്റ്റില് ഒതുങ്ങുന്നില്ല ജാക്കി ചാന്റെ മരണനിഷേധക്കുറിപ്പ്. സ്വന്തം വെബ്സൈറ്റില് ജാക്കിയും കുറച്ചു ജാപ്പനീസ് ഒഫിഷ്യലുകളും തമ്മില് നടത്തിയ കൂടിക്കാഴ്ചയുടെ ചിത്രവും പോസ്റ്റ് ചെയ്തിട്ടുണ്ട്, മാര്ച്ച് ഇരുപത്തൊമ്പത് എന്ന ഡേറ്റിലാണ് ചിത്രം കൊടുത്തിരിക്കുന്നത്. സിനിമയില് പലതവണ മരിച്ചു ജീവിച്ചിട്ടുള്ള ജാക്കി ഇന്റര്നെറ്റ് മരണത്തേയും അതിന്റെ രസത്തോടെ തന്നെയാണ് കണക്കാക്കിയിരിക്കുന്നത്. എങ്കിലും ആരെങ്കിലും വിശ്വസിച്ചവരുണ്ടെങ്കില് അവര്ക്ക് നെറ്റിലൂടെ തന്നെ മറുപടി.
0 comments:
Post a Comment