കുവൈറ്റ്: കഴിഞ്ഞ കുറച്ച് ദിവസങ്ങളായി രാജ്യത്ത് തുടരുന്ന രാഷ്ട്രീയപ്രതിസന്ധികള്ക്ക് ഒടുവില് കുവൈറ്റ് മന്ത്രിസഭ രാജിവെച്ചു. പ്രധാനമന്ത്രി ഷെയ്ഖ് നാസര് മുഹമ്മദ് അല്-അഹ്മദ് അല്-സബഹിന്റെ നേതൃത്വത്തിലുള്ള സര്ക്കാരാണ് രാജിവെച്ചത്. അല്-സബഹ് രാജകുടുംബത്തില്പ്പെട്ട മൂന്നു മന്ത്രിമാര്ക്കെതിരെ പാര്ലമെന്റ് അംഗങ്ങള് പരാതി ഉന്നയിച്ച സാഹചര്യത്തിലാണ് ഇത്.
വ്യാഴാഴ്ച ചേര്ന്ന മന്ത്രിസഭാ യോഗത്തിലായിരുന്നു രാജി വെയ്ക്കാനുള്ള തീരുമാനം സര്ക്കാര് കൈക്കൊണ്ടത്. തുടര്ന്ന് അമീര് ഷെയ്ഖ് സബഹ് അല്-അഹ്മദ് അല്-ജാബിര് അല്- സബഹിന് രാജി സമര്പ്പിക്കുകയായിരുന്നു. അഞ്ചുവര്ഷം മുമ്പ് അധികാരമേറ്റ പ്രധാനമന്ത്രി നാസര് മുഹമ്മദ് അല്-അഹ്മദ് അല്-സബഹിന്റെ നേതൃത്വത്തിലുള്ള ആറാമത്തെ മന്ത്രിസഭയാണ് രാജിവെച്ചിരിക്കുന്നത്.
അതേസമയം, പുതിയ മന്ത്രിസഭ രൂപവത്കരിക്കാന് ഷെയ്ഖ് നാസര് മുഹമ്മദ് അല്-അഹ്മദ് അല്-സബഹിനെ വീണ്ടും പ്രധാനമന്ത്രിയായി നിയമിക്കുമെന്നാണ് സൂചന.
ഉപപ്രധാനമന്ത്രിയും വിദേശകാര്യ മന്ത്രിയുമായ ഡോ ഷെയ്ഖ് മുഹമ്മദ് സബഹ് അല്-സാലിം അല്-സബഹ്, വാര്ത്താ വിതരണ-എണ്ണ വകുപ്പ് മന്ത്രി ഷെയ്ഖ് അഹ്മദ് അബ്ദുല്ല അല്- സബഹ് എന്നിവരെ പാര്ലമെന്റില് കുറ്റവിചാരണ ചെയ്യാന് പ്രതിപക്ഷം നോട്ടീസ് നല്കിയിരുന്നു. ഈ സാഹചര്യത്തിലായിരുന്നു രാജി. പാര്ലമെന്റിലെ നടപടികള് ഒഴിവാക്കാനാണ് രാജിയെന്നാണ് സൂചനകള്
0 comments:
Post a Comment